Serikali yazifunga shule mkoani Kagera zilizoathrika vibaya kutokana na tetemeko.

Serikali imezifnga kwa muda usiojulikana shule za bweni za wavulana za Ihungo na Nyakato zilizoko mkoani Kagera ambazo miundombinu yake iliathirika sana kutokana na tetemeko la ardhi liliyoyakumba maeneo mbalimbali yaliyoko mkoani humo na kusababisha hasara kubwa.

Agizo la kuzifunga shule hizo limetolewa na waziri wa sera, bunge, kazi, vijana, ajira na walemavu, Jenista Mhagama, baada ya kutembelea shule hizo na kujionea hali mbaya ya miundombinu iliharibiwa vibaya na tetemeko ambayo ni pamoja na madarasa, mabweni na vyoo hali iliyokuwa ikiwalazimu wanafunzi kulala kwenye viwanja.

Kwa upande wake, mwenyekiti wa taifa wa chama cha NCCR -mageuzi James Mbatia ameonyesha kutoridhishwa na hatua ambazo serikali imeishazichukua kwa waathirika wa tetemeko hilo, nao baadhi ya waathirika wa tetemeko wameanza kupokea misaada toka wahisani miongoni mwa waathirika ni Winfrida Paul ambaye amepokea msaada ulitolewa na chama cha walimu (CWT) Bukoba mjini na Saad Yusuph mlezi wa kituo cha kulea watoto cha Uyacho aliyepokea msaada toka kwa mbunge wa viti maalumu Bukoba Savelina Mwijage ambao wanaeleza changamoto walizonazo kwa sasa.