Miaka 30 jela kwa kubaka

Dar Es Salaam.Mahakama ya Wilaya ya Ilala imemuhukumu kifungo cha mpaka 30 jela, Rashid Mohamed (32)baada ya kupatikana na hatia na kubaka mtoto wa miaka 13.

Mohamed ambaye ni mfanyabiashara na mkazi wa Chanika amehukumiwa kutumiwa kifungo hicho baada ya mahakama kuridhika na ushahidi wa mashahidi sita waliotoa dhidi yake.

Akisoma hukumu hiyo,  Hakimu Mkazi Mwandamizi wa mahakama hiyo,  Juma Hassani amesema mahakama yake imemtia hatiani kama alivyoshtakiwa.

"Nimejiridhisha na ushaidi uliotolewa mahakamani hapa pasina kuacha shaka, hivyo Mohamed atatumikia kifungo cha miaka 30 jela ili iwe fundisho kwa vijana wenye tabia chafu kama yako" alisema Hakimu Hassan

Awali kabla ya hukumu hiyo kutolewa Wakili wa Serikali, Grace Mwanga aliiambia mahakma hiyo kuwa hakukuwa na kumbukumbu zozote za mshtaka ya nyuma dhidi ya mshatakiwa na hivyo kuiomba Mahakama hiyo kutoa adhabu kama sheria inavyoeleza.

"Kutokana na kuongezeka kwa vitendo vya ubakaji dhidi ya watoto,  naiomba mahakama yako itoe adhabu kali dhidi ya mshatakiwa huyu ili iwe fundisho kwa watu wengine wenye tabia kama hizi " alidai Mwanga.

Katika hati ya mashtaka, Mohamed alitenda kosa hilo,  Desemba 15, mwaka jana eneo la Chanika.